Misrya مـشرفة مميزة
عدد الرسائل : 964 العمر : 41 البــلـد : Cairo تاريخ التسجيل : 10/03/2008
| موضوع: اغنية زعزوعه المفجوعة الجمعة يناير 29, 2010 3:20 pm | |
| دي أغنية كانت على شريط كاسيت قديم جدا عندنا .. بس أنا كنت بحبها أوي وكان بيغنيها سيد مكاوي واسعاد يونس للأسف الشريط ضاع بس الاغنية لسة ما ضاعتش من راسي لحد دلوقتي
واليكم كلماتها :
يا أبو زعيزع قوم صلي دانتا في ريح المتولي خلي مراتك زعزوعة تلحق تطبخ وتقلي
لسة الشهر اتنين منه والجيب عمران على سنه ويا محلى يوم الجمعة والغدوة رز بدمعة واللحمة كمونية والرز بالتقلية
يا ابو زعيزع قوم صلي يالا لا لا لا للي
قوم صلي وانزل عالسوق هات كيلو لحمة مشفي من موزة .. لا عضم ولا عروق لجل يحوق ويكفي
((ابو زعيزع)) زعزوعة فين بواجيرك؟ فين حللك فين مواجيرك؟ أنا رايح زاوية أبو شوال بدل الجامع والزحمة على بال الخطبة ما تتقال تكوني انتي طبختى اللحمة وهجيب لك حاجة تحلي يالالي
يالا لا لا لا للي
أبو زعيزع راح صلى ورجع م الجوع يتقلى لقى بوابيره مطفية والحلة كمان مكفية
زعزوعة يا زعزوعة مالك كدا ليه مرزوعة
قالت له عندي زغطة واللحمة كلتها القطة
الراجل بقا يتكفى حط القطة في الكفة القطة طلعت كيلو واللحمة كانت كيلو
يا بروطة يا أم زغطة هو مفيش عندك رحمة آدي القطة فين اللحمة وادي اللحمة فين القطة | |
|